Inendorso na ni House Committee on Overseas Chairman at Angkla Partylist Rep. Jess Manalo si Labor Secretary Silvestre “bebot” Bello the Third bilang susunod na Ombudsman kapalit ng magreretirong si Conchita Carpio-Morales.
Ayon kay Manalo, epektibong Labor Secretary si Bello maging ang paghawak nito sa diplomatic issue sa pagitan ng Pilipinas at Kuwait na naging daan upang mabigyan ng proteksyon ang mga OFW sa nabanggit na bansa sa Middle East.
Kwalipikado anya ang kalihim lalo’t naging Justice Secretary ito noong panahon ni dating Pangulong Fidel Ramos at Cory Aquino.
Bukod dito, nagsilbi ring Solicitor-General si Bello noong panahon pa rin ni dating Pangulong Ramos.
