Aminado ang Kapuso star na si Kylie Padilla na nasasaktan siya sa aniya’y hindi pagiging okay nina Aljur Abrenica at ng ama niyang si Robin Padilla.
Sa panayam ng PEP.ph, kinumpirma ni Kylie na pumunta sila ni Aljur sa bahay ni Robin ngunit hindi umano sila hinarap nito.
Aniya, maaaring wala ang ama sa bahay noong pagkakataon na iyon, kung saan pinagbubuntis pa lamang nito ang anak na si Alas, o posible din aniyang ayaw lamang silang harapin ni Robin.
Gayunman, inamin ni Kylie na wala siyang sama ng loob sa ama dahil naiintindihan niya ang kagustuhan nito na ikasal muna sila ni Aljur bago mag-baby.
Sa huli, sinabi ni Kylie na kailangan lang balansehin ang sitwasyon dahil naiintindihan naman aniya niya ang kanyang ama kahit hindi pa nito nasisilayan ang apo sa kanila ni Aljur.
