Iginiit ni Matteo Guidicelli na malinis ang kanyang intensyon sa girlfriend niyang si Sarah Geronimo.
Ito ay matapos magpahayag ang ilang netizens na maaaring ginagamit lamang ni Matteo si Sarah para i-promote ang kanyang mga proyekto.
Sa isang panayam ng ‘Magandang Buhay’ kay Matteo, sinabi nito na mahal nila ang isa’t isa at masaya sila sa kanilang relasyon kaya’t hindi niya mapigilang mag – kwento tungkol dito.
Dagdag pa ni Matteo, dapat na huwag nang hintayin pang mawala ang taong mahal mo bago ihayag ang iyong nararamdaman dito.
Gayunman, kung siya aniya ang masusunod, gusto niya ding i-post ang kanilang mga larawan ni Sarah sa social media accounts nito ngunit hindi niya aniya ito magawa dahil na din sa kalakaran ng trabaho nilang dalawa sa showbiz.
Apat na taon nang magkarelasyon sina Matteo at Sarah.
