Inaprubahan na ng Angeles City Regional Trial Court ang tatlong mosyon ni SPO3 Ricky Sta. Isabel.
Ayon kay PAO o Public Attorney’s Office Chief Persida Acosta, kabilang sa pinagbigyan ng korte ang kahilingan ni Sta. Isabel na magkaroon ng re-investigation sa isinampang reklamong kidnapping for ransom with homicide ng Department of Justice o DOJ.
Dahil dito, binigyan ng hukuman ang Department of Justice ng 60 araw para imbestigahang muli ang kaso ni Sta. Isabel at ng iba pang akusado sa pagdukot at pagpatay sa Koreanong negosyanteng si Jee Ick Joo.
Samantala, pinagbigyan din ng korte ang hirit ni Sta. Isabel na maibalik siya sa kustodiya ng National Bureau of Investigation (NBI).
Ipinagpaliban ng korte noong Lunes ang pagbasa ng sakdal kay Sta. Isabel at muli itong itinakda sa April 19, alas dos ng hapon.
By: Avee Devierte / Bert Mozo
