Patay ang isang konsehal sa bayan ng Baggao sa Cagayan na si Angelo Luis matapos na pagbabarilin ng mga hinihinalang miyembro ng New People’s Army o NPA.
Batay sa ulat ng pulisya, nasa 20 mga NPA na nakasuot ng umiporme ng Philippine Army ang lumusob sa bahay ng konsehal at saka ito pinagbabaril.
Nagtamo ng tatlong tama ng bala ng baril sa ulo si Luis na naging sanhi ng kanyang agarang kamatayan.
Samantala, inako ng isang tinaguriang “Henry Abraham Command” ng NPA East Cagayan ang nasabing pagpatay sa konsehal.
—-
