Nasunog ang isang bahay sa bahagi ng North Greenhills Subdivision sa San Juan City alas-3:39 kahapon ng hapon.
Ayon BFP-NCR, umakyat sa unang alarma ang sunog na nagsimula sa isang bahay sa nabanggit na lugar bago idineklarang fire under control.
Patuloy pang isinasagawa ang mopping up at clearing operations habang iniimbestigahan pa ang sanhi ng sunog at kung magkano ang kabuuang pinsala.
Wala namang naitalang nasawi o nasugatan sa naganap na sunog.
