Pansamantalang bubuksan ang Kennon Raod sa Baguio City sa ilang partikular na araw ngayong buwan ng Pebrero hanggang sa buwan ng Marso.
Batay sa anunsyo ng Department of Public Works and Highways o DPWH, bubuksan ang kalsada simula sa bukas, Pebrero 14 hanggang Pebrero 18, gayundin sa Pebrero 22 hanggang Marso 4.
Ito aniya ay para bigyang daan ang mga dadalo sa Panagbenga Festival at Philippine Military Academy o PMA alumni homecoming.
Ngunit nilinaw ni DPWH Secretary Mark Villar, tanging mga light vehicles lamang o mga sasakyang may bigat na limang tonelada ang maaaring makadaan.
Maaari naman dumaan ang mga motorista na manggagaling sa Baguio na dumaan sa Marcos Highway, Naguilan Road at Asin-Nangalisan-San Pascual-Tubao Road.
—-
