Tikom pa rin ang aktor na si James Reid kaugnay ng naging kontrobersyal na eksena nito sa kanyang teleserye.
Ayon kay James, naglabas na ng pahayag ang kanyang network ukol dito.
Matatandaang naging mainit ang usapan makaraan ang nasabing eksena sa On the Wings of Love kung saan sumayaw nang seksi si James suot ang uniporme ng pulis.
Kaagad namang humingi ng paumanhin ang pamunuan ng ABS-CBN sa kapulisan at sinabing hindi nila intesyon na dungisan ang imahen ng mga ito.
Gayunpaman, ipinatawag pa rin ng Movie and Television Review and Classification Board ang pamunuan ng On the Wings of Love para sa isang pagpupulong ukol sa naturang isyu.
By: Avee Devierte
