Dinumog ng fans ang concert kagabi sa Araneta Coliseum ng magka love team at real life couple na sina James Reid at Nadine Lustre.
Bagaman nagpahinga muna ang dalawa sa paggawa ng drama sa telebisyon at pelikula ay makikitang patuloy pa rin ang mainit na suporta ng kanilang mga taga hanga.
Sa simula pa lamang ng kanilang concert na pinamagatang Jadine revolution, isang malakas na hiyawan at palakpakan na ang sumalubong kina James at Nadine nang lumabas ang mga ito para sa kanilang opening number.
Bukod sa kanilang fans ay nagpakita rin ng suporta ang kanilang mga kaibigan, gaya nina Kiana Valencano, Sam Concepcion, Bret Jackson at Popstar Royalty Sarah Geronimo na nag perform din kasama ang dalawa.
Samantala, bukod dito ay nakatakda ring magkaron ng provincial at world tour sina Reid at Lustre.
Posted by: Robert Eugenio
