Isang kaso na ng pagtama ng ligaw na bala ang naitala ilang araw bago mag-Pasko at higit isang linggo bago mag-Bagong Taon.
Ayon sa Philippine National Police (PNP), tinamaan ng stray bullet sa tiyan ang 3-taong gulang na babae sa barangay Sirawai Proper, Sirawai, Zamboanga del Norte.
Sa kaso naman ng pagpapaputok ng baril o indiscriminate firing, inaresto ang manggagawang si Willy Talingting, 47-anyos ng barangay Tongonan, Kanangga, Leyte.
Napag-alamang lasing si Talingting nang magpaputok ng kalibre 22.
Itinurn-over na ng mga barangay tanod ang suspek sa pulisya habang nakumpiska sa kaniya ang nasabing baril.
By Drew Nacino | Jonathan Andal
