Sinalakay ng mga tauhan ng Manila Police District – Plaza Miranda Police Community Precinct ang isang hinihinalang drug den hindi kalayuan sa simbahan ng Quiapo sa Maynila.
Nasakote at naghihimas na ngayon ng rehas ng bakal ang mga suspek na kinabibilangan ng isang Bernardo Arguilles.
Nasamsam mula sa mga suspek ang ilang drug paraphernalia at isang 12 pulgadang balisong.
Ayon sa mga pulis, ang naturang drug den ay pugad ng mga adik na pedicab at kuliglig drivers sa Quiapo.
Dahil dito, nanawagan ang mpd sa publiko na agad na magsumbong sa mga awtoridad kapag nakita ng mga kahina-hinalang indibidwal para na rin sa seguridad ng mas nakararami.
By Jelbert Perdez | Aya Yupangco (Patrol 5)
