Namatay na ang isa sa tinuguriang Bilibid 19 na nasa ilalim ng pangangalaga ng National Bureau of Investigation (NBI).
Ayon kay DOJ Secretary Leila de Lima, binawian na ng buhay ang presong si George Sy, isang Chinese national matapos ang ilang taon pakikipaglaban sa sakit na stage 5 colon cancer.
Pinatawan ng parusang reclusion perpetua o hanggang 40 taong pagkabilanggo si Sy dahil sa pagkakasangkot sa iligal na droga.
Kabilang si Sy sa mga high profile inmates na inilipat sa NBI detention facility mula sa New Bilibid Prison matapos na madiskubre sa mga ito ang marangyang mga kubol, mga high tech na gadgets at mga iligal na droga.
By Rianne Briones
