Isa ang patay habang tatlo ang sugatan makaraang makuryente ng live wire mula sa poste ng kuryente sa Barangay San Isidro, Bayan ng Atimonan, lalawigan ng Quezon.
Ayon sa Atimonan Police Station, ibainaba ng isang crane ang bakal sa ginagawang tulay nang sumabit ito sa kable ng kuryente ng Quezon Electric Cooperative dahilan para makuryente ang dalawang construction worker na naka-apak sa bakal.
Tinulungan naman ng dalawa pang kasamahan ng mga ito ang dalawang nakuryente subalit maging sila’y nadamay hanggang sa sumabog na ang transformer sa poste.
Naisugod pa sa Doña Maria Hospital sa Atimonan ang apat na biktima kung saan idineklarang dead on arrival ang isa sa mga ito.
