Interesadong gumawa ng proyekto ang international pop singer na si Jessie J kasama ang Pinay singer na si KZ Tandingan.
Bagamat nalaglag na sa ‘Singer 2018’ sa China, nagmarka naman si Tandingan sa kanyang mga co-contenders kabilang si Jessie J.
Mahigpit na yakap ang ipinabaon ng international pop star kay KZ at ipinahayag ang paghanga sa Pinay singer.
Sinabi ni Jessie J na magpapatuloy ang kanilang ugnayan ni KZ at masisiyahan siya kung magkakatrabaho sila sa hinaharap.
Sa kanyang Instagram account, ipinost din ni Jessie J ang larawan nilang mga contestant sa Singer 2018 na kasama si KZ.
—-
