Lilimitahan na ng COMELEC o Commission on Elections ang mga impormasyong maaaring makita sa precinct finder service ng kanilang website.
Ayon kay COMELEC Spokesman James Jimenez, kabilang sa hindi isasama sa database online ang residential address ng botante.
Layon aniya nito na maiwasang maulit ang nangyaring “Comeleak” data breach noong 2016 kung saan na-hack ang website ng poll body at inilabas ang mga personal na impormasyon ng mga botante.
Maliban dito, sinabi ni Jimenez na lilimitahan na rin nila ang mga personal na tanong na masasagot lang ng “yes” or “no,” at malalaman naman nila kung saang distrito sila sa pamamagitan ng pag-input ng kanilang address.
By Meann Tanbio
