Naglunsad na ng imbestigasyon ang Presidential Anti-Corruption Commission (PACC) laban kay BuCor Chief Nicanor Faeldon.
Ayon kay PACC Commissioner Manuelito Luna, tinututukan nila ang di umano’y maling interpretasyon ni Faeldon sa Good Conduct Time Allowance (GCTA) at sa Implementing Rules and Regulations (IRR) nito.
Maliban kay Faeldon, kasama rin anya sa kanilang iniimbestigahan ang ilang jail officials na lumagda ng release order para kay dating Calauan mayor Antonio Sanchez.
Sinabi ni Luna na kailangang bilisan nila ang proseso ng imbestigasyon dahil hindi maituturing na ordinaryo ang sitwasyon kung saan halos 2,000 convicts na sentensyado ng heinous crimes ang pinalaya sa pamamagitan ng GCTA.
