Nagsimula nang bumili ang ilang mamimili ng bilog na prutas ilang araw bago ang bagong taon.
Ayon sa mamimili sa Binondo, minabuti nilang bumili ng prutas ng mas maaga habang mura pa ang presyo nito at hindi pa masikip ang mga palengke.
Mabibili ang kiat – kiat P100 kada tatlong balot, P50 naman ang pitong piraso ng ponkan habang P100 naman ang kada anim na piraso ng peras at lemon.
Mas mura naman mabibili ang mga prutas kung kahon – kahon o wholesale ang pagbili nito.
P1,400 ang isang box ng ubas na may lamang walo hanggang sampung balot, P800 ang kada box ng kiat- kiat, P650 ang kada box ng ponkan na may halos 100 piraso at P1,300 ang isang box ng apple .
Nakasanayan na ng mga Pilipino ang paghahanda ng mga bilog na prutas dahil sa paniniwalang nagbibigay ito ng swerte sa bagong taon.