Mananatiling nakakulong sa Kidapawan, North Cotabato ang ilang mga magsasaka.
Ito’y sa kabila ng pampiyansa para sa lahat ng ikunulong na magsasaka makaraang dakpin nang magkagulo sa kanilang kilos protesta noong Abril 1.
Ayon sa pulisya, walang mga lehitimong identification card ang ibang mga naka-detine.
Depensa naman ni Kilusang Magbubukid ng Pilipinas-North Cotabato Chair Jerry Alborme, kalahati lamang ng mga nakakulong na magsasaka ang may ID dahil ang iba sa kanila’y hindi kasapi ng PhilHealth o SSS habang ang iba’y wala man lang birth certificate.
Matatandaang nakalikom ang mga mag-asawang artistang sina aIza Seguerra at Liza Diño ng higit sa kalahating milyong piso para sa piyansa ng 79 na magsasaka, kabilang na ang mga babae at matatanda.
By Avee Devierte