Ipinagdiriwang ngayong araw ni PNP Chief Ronald Bato Dela Rosa ang kanyang ika-56 na kaarawan
Kaninang umaga, sa harap ng kanyang tahanan na White House sa Camp Crame, sinorpesa si Bato ng ilang opisyal at tauhan ng PNP .
May dalang cake ang mga ito at naglatag ng catering sa labas ng White House.
Kasabay ng kanyang kaarawan, ngayong araw din sana nakatakdang magretiro si Bato sa PNP.
Pero dahil pinalawig pa ng Pangulong Duterte ang termino ni Dela Rosa ng tatlong buwan, naurong sa Abril 21 ang kanyang pagreretiro.
Sa isang panayam sinabi ni Dela Rosa na oras na magretiro siya sa PNP, hihingi siya sa Pangulo ng 2 hanggang 3 linggong pahinga bago siya isabak muli sa serbisyo kung matutuloy ang alok sa kanya na pamunuan ang BUCOR o Bureau of Corrections.