Sumabog ang isang improvised explosive device (IED) malapit sa Saint Therese of the Child Jesus Parish sa Datu Piang sa Maguindanao kagabi.
Batay sa ulat, sakay ng motorsiklo ang salarin nang iwan nito ang pampasabog malapit sa simbahan.
Wala namang nasaktan sa insidente bagama’t ilang mga nakaparadang mga sasakyan sa lugar ang tinamaan ng mga shrapnel.
Patuloy namang iniimbestigahan ng pulisya ang insidente para matukoy ang motibo at nasa likod ng pag-atake.
