Hinihinalang Abu Sayyaf member patay sa Davao City

Patay sa shootout ang isang hinihinalang miyembro ng Abu Sayyaf Group (ASG) sa Davao City.

Kinilala ang napatay sa alyas lamang nitong “Bin Ladin”.

Batay sa inisyal na imbestigasyon, sakay ng motorsiklo si Bin Ladin na minamaneho ng isang kasamahan nito at nilagpasan ang checkpoint ng mga awtoridad.

Pinaputukan din ni Bin Ladin ang mga rumespondeng pulis kayat napilitan ang mga awtoridad na gumanti ng putok.

Tinamaan at nasawi si Bin Ladin habang nakatakas naman ang nagmamaneho ng motorsiklo.

Narekober naman sa suspek ang ilang armas at gamit sa paggawa ng bomba gaya ng 60-milimeter mortar na tulad ng ginamit sa pagpapasabog sa Roxas night market sa Davao City noong nakaraang taon.

By Ralph Obina   

Comments

comments