Umakyat na sa P732.5 million pesos ang inisyal na halaga ng pinsala ng bagyong Nona sa sektor ng agrikultura.
Ito ang inihayag ni Agriculture Secretary Proceso Alcala kaugnay sa patuloy na monitoring sa mga apektadong lalawigan.
Sa tala ng DA-Action Center, may 20,000 ektaryang sakahan na ang nalubog sa baha at nasa 35,500 metriko tonelada ng mga palay, maisan, cassava at high value crop ang hindi na mapapakinabangan.
Ayon kay Alcala, pinakamatinding tinamaan ang mga high value crop habang naapektuhan din ang fisheries sector na umabot sa P4.1 million pesos ang halaga ng pinsala at livestock sector na nasa P21.6 million pesos.
Kabilang sa mga sinalanta ng bagyong Nona ang limang bayan sa lalawigan ng Quezon, buong Marinduque; Mindoro Provinces, Romblon at Palawan, Sorsogon, Albay at ilang bahagi ng Camarines Sur maging ang Eastern Samar at Northern Samar sa Eastern Visayas sa Region 8.
By Drew Nacino | Monchet Laranio