Nagpositibo sa coronavirus disease 2019 (COVID-19) ang bulgarian tennis player na si Grigor Dimitrov, isang linggo matapos niyang lumaban sa isang exhibition tournament.
Inamin ni Dimitrov ang kasalukuyang kalagayan sa pamamagitan ng isang instagram post.
Ayon kay Dimitrov, nakabalik na siya sa Monaco at nais niya ipagbigay alam sa lahat ng kanyang mga nakasalamuha sa mga nakaraang araw na sumailalim din sa test.
Humingi din ng paumanhin si Dimitrov sa mga posibleng naidulot niyang kapahamakan sa ibang tao.
Magugunitang naglaro si Dimitrov sa Adria Tour event sa Belgrade, Serbia kung saan kanyang nakasama ang world number one na si Novak Djokovic.
