Sisimulan na ng Philippine Drug Enforcement Agency o PDEA na pag-aralan ang “green book” na nakuha sa kanilang pagsalakay sa bahay ni Maasim Sarangani Mayor Aniceto Lopez Jr.
Ayon kay PDEA Director General Aaron Aquino, ang nasabing “green book” ay naglalaman ng mga posibleng drug transactions ni Lopez sa ilang mga lokal na politiko at mga kilalang negosyante.
Ani Aquino, nakakagulat at nakakatakot na makita ang mga pangalan ng ilang malalaking negosyante na hindi nila inaakalang masasangkot sa masamang gawain tulad pagbebenta ng iligal na droga.
Dagdag pa ni Aquino, kanila ring sisiyasatin kung ang mga nasabing transaksyon ay ang pagbili o pagbebenta ni Lopez ng iligal na droga sa mga pangalang nabanggit sa green book.
Bukod sa pagiging drug lord at pinuno ng El Patron Drug Group sa Soccsksargen, si Lopez din ay itinuturing na supporter at sympathizer ng extremist group na Ansar Khalifa Philippines.
“Parang drug transactions niya yun, with the name is corresponding amount for example si Herbert Colanggo nakalagay doon P150-M, si Parojinog another P150-M, si Espinosa is P80-M, there are other about 10 of them, there are mayors, governors and some influential businessman doon sa listahan na yun, all of them may corresponding (amount), we’re talking about millions of pesos there.” Pahayag ni Aquino
(Ratsada Balita Interview)
