Muling tatakbo bilang kinatawan ng ikalawang distrito ng Pampanga si dating Pangulo at ngayo’y Congresswoman Gloria Arroyo.
Ayon sa abogado ni Arroyo na si Atty. Raul Lambino, sa ilalim pa rin ng partidong lakas CMD ay maghahain ng certificate of candidacy ang dating Pangulo.
Sinabi ni Lambino na isa sa mga staff ni Arroyo ang maghahain ng COC sa Pampanga para kay Arroyo.
Matatandaang naka-hospital arrest sa Veterans Memorial Medical Center (VMMC) si Arroyo dahil sa isinampang plunder laban dito kaugnay ng umano’y maanomalyang paggamit sa pondo ng Philippine Charity Sweepstakes Office (PCSO).
Samantala, walang partikular na kandidatong susuportahan ang partido ni dating Pangulong Gloria Arroyo, ang Lakas-CMD.
Ayon kay Atty. Raul Lambino, kanya -kanya ang mga miyembro ng Lakas sa kung sino ang kanilang sususportahan sa pagka-Pangulo.
Halimbawa nito ayon kay Lambino, si Lakas Chairman Danilo Suraez ay nangako nang magbibigay ng suporta kay Vice President Jejomar Binay habang siya naman aniya ay kay Davao City Mayor Rodrigo Duterte.
Naniniwlaa si Lambino na anumang araw ay magdedeklara na kandidatura sa pagka-Pangulo si Duterte.
By Ralph Obina
