Tiniyak ni Armed Forces of the Philippines Chief of Staff General Carlito Galvez Jr., na walang mang a-abala sa ginagawang rehabilitasyon ng Marawi City.
Ayon kay Galvez, hindi sila papayag na maging katulad ng Syria, Iraq at Afghanistan ang Marawi kung saan hindi natuloy ang rehabilitasyon matapos umusbong ang panibagong gulo.
Sinabi ni Galvez na kanilang pinag aralan maigi ang mga kinaharap na giyera ng ibang bansa at marami silang natutunan dito.
Sa ngayon aniya ay patuloy ang maigting na pakikipag ugnayan ng kanilang hanay sa mga Local Government Unit na kanila ring katulong sa pagtitiyak ng seguridad sa lungsod.
