Kinasuhan sa Ombudsman nang paglabag sa Anti-Graft and Corrupt Practices Act si dating Manila Mayor Alfredo Lim.
Ang taxpayer na nagpakilalang si Ricardo Santos Cruz ang naghain ng kaso laban kay Lim kaugnay sa aniya’y maanomalyang P11. 5 million peso contract sa parking meter installation sa Tokagawa Global Corporation at Matsuyama Corporation noong 2012.
Bukod kay Lim, kinasuhan din ni Cruz sa Ombudsman sina Rorie Cariaga, Vice President ng Tokagawa Corporation at Napoleon Ibalio, Managing Officer ng Matsuyama Corporation.
Nakasaad sa kontrata na Matsuyama ang mag-po-provide ng parking meters at iba pang device samantalang sagot ng Tokagawa ang operation at maintenance ng mga ito.
By Judith Larino