Kinakailangang ma develop ang mga malalayong probinsya para ma decongest ang Metro Manila.
Binigyang diin ito ni Senador Grace Poe matapos ibabala ng Pangulong Rodrigo Duterte na magiging isang dead city ang Metro Manila sa susunod na 25 taon.
Ayon pa kay Poe, Chair ng Senate Committee on Public Services dapat nang simulan ang development sa ilang lalawigan at makunsider na makasabay sa pagbabago ang mga syudad ng London, New York, Rome at Tokyo.
Magagamit aniya ng Pangulo ang emergency powers nito para ma decongest ang Metro Manila kayat nananawagan siya mismo sa Pangulo na i certify nang urgent ang panukalang emergency powers para sa kaniya.
