Hindi pipigilan ng Malacañang ang mga maglulunsad ng demonstrasyon sa mismong araw ng libing ni dating Pangulong Ferdinand Marcos sa Libingan ng mga Bayani sa Taguig.
Ayon kay Presidential Spokesman Ernesto Abella, kakaunti rin lamang ang idedeploy nilang pulis sa araw ng libing ni Marcos.
Ito aniya ay para lamang ayusin ang magiging daloy ng trapiko.
Una rito, maraming tutol sa paglilibing sa dating pangulo sa Libingan ng Bayani ang nagpahayag na maglulunsad ng protesta upang ipakita ang kanilang mariing pagkontra sa naging desisyon ng Pangulong Rodrigo Duterte.
By Ralph Obina | Aileen Taliping (Patrol 23)
