Naghigpit na ng seguridad sa Davao City kasunod na rin ng nangyaring pagsabog sa Lamitan, Basilan kahapon.
Ayon kay Davao City Police Office Spokesperson Chief Inspector Ma. Theresita Gaspan, kanila nang dinoble ang pagbabantay partikular sa mga pumapasok at palabas ng lungsod.
Kinakailangan din aniyang higpitan ang isinasagawang inspeksyon sa mga checkpoint at itaas sa full alert status ang davao city police lalo’t nalalapit na aniya ang Kadayawan Festival.
Pinapayuhan naman ng Davao City PNP ang publiko na agad ipagbigay-alam kung may mapapansing mga kaduda-dudang bagay o tao sa paligid at palaging maging alerto.
—-
