Iwas pusoy si dating Senador Bongbong Marcos sa kontrobersyang kinasasangkutan nina COMELEC Chairman Andres Bautista at asawang si Patricia Paz-Bautista.
Ayon sa dating mambabatas, walang katotohanan ang mga ulat na ang kanyang asawang si Liza Araneta-Marcos ang namagitan upang makausap ng mga Bautista si Pangulong Rodrigo Duterte sa Malakanyang.
Hindi naman anya nila nakakausap ang pamilya ng poll body chief kaya’t walang dahilan upang mamagitan ang kanyang asawang si Liza para makausap ng mga bautista ang Pangulo.
Dagdag ni Marcos, hindi naman sila nanghihimasok sa away mag-asawa lalo sa alegasyon ni Patricia o Tish na may tago umanong yaman ang mister na si Andy na aabot sa mahigit Isang Bilyong Piso.
By Drew Nacino