Malakas ang ugong ng balitang hiwalay na ang Kapamilya actress na si Erich Gonzales sa Brazilian actor model na si Daniel Matsunaga.
Naging kapansin-pansin kasi ang pagde-delete ni Erich ng mga larawan nila ng kanyang boyfriend sa Instagram kasabay pa ang paglalagay sa private ng kanyang account.
Inamin naman ni Daniel na may pinagdadaanan sila ni Erich ngayon.
Nakiusap si Daniel sa kanilang mga tagasuporta na bigyan sila ng panahon at pagrespeto habang inaayos nila ang kanilang relasyon.
Taong 2015 nang umaming may relasyon sina Erich at Daniel dahil na rin sa pagiging close nila sa isang teleserye at madalas na pag-pi-pair up sa kanila ng TV host na si Kris Aquino.
By Rianne Briones
Photo from Instagram/@erichgg