Posibleng matapos na ngayong araw na ito ang culling operation o pagpatay sa poultry livestock na apektado ng bird flu sa mga bayan ng Jaen at San Isidro sa Nueva Ecija.
Sinabi ni Agriculture Secretary Emmanuel Piniol na maaari nang ideklarang contained na ang outbreak kung wala nang maire report na kaso ng influenza virus sa susunod na 21 araw.
Ang panahon aniya ay itinuturing na incubation period ng bird flu.
Samantala inihayag ni Piniol na tapos na ang culling operations sa Pampanga at nasa proseso na sila ng disinfection.
Tiwala si Piniol na malinis na sa bird flu ang mga manok na nasa merkado dahil sa mahigpit na pagpapatupad nila ng firewall sa Pampanga tulad ng 1 kilometer quarantine area at 7 kilometer transport ban zone.
By: Judith Larino
SMW: -RPE
