Pumapalo na sa 52 ang death toll sa Italy dahil sa 2019 coronavirus disease (COVID-19).
Ipinabatid ng Civil Protection Agency na 11 ang naitalang patay sa magdamag at 18 ang nasawi nOong linggo kasama na ang tatlo sa Emilia Romagna.
Ang mga nasawi ay matanda na at may mga malalang sakit na bago pa tamaan ng COVID-19.
Nasa mahigit 2,000 naman na ang nagpositibo sa COVID-19 na karamihan ay mula sa Northern Lombardy Region.
Nananatili namang nasa intensive care ang 166 na nagpositibo habang 149 naman na pasyente ang nakarecover na simula nang may maitalang nag positibo sa virus sa nasabing bansa.
Ayon sa World Health Organization (WHO), bumaba na ang naitatalang nasawi sa China subalit nakaka-alarma ang sitwasyon sa Italy, South Korea, Iran at Japan dahil sa pagtaas ng bilang ng tinamaan at nasasawi sa mga naturang bansa.
Ang Italy ang pinaka-apektadong lugar sa Europe kung saan 11 bayan na ang nasa ilalim ng quarantine at nakapagsagawa na rin ng halos 24,000 test.