Sisimulan nang balangkasin ngayong araw na ito ng PNP at PDEA ang campaign plan na magsisilbing gabay ng pulisya sa pagbabalik nila sa war on drugs.
Ipinabatid ni PNP Spokesman Chief Supt Dionardo Carlos na target nila tapusin ang campaign plan ngayong weekend para makabuo na ng memorandum circular sa Lunes na lalagdaan ni PNP Chief Ronald Bato Dela Rosa at maipakalat na sa mga rehiyon.
Gayunman nilinaw ni Carlos na wala pang eksaktong petsa kung kailan babalik ang PNP sa kampanya kontra iligal na droga.
Madadagdag sa bagong polisiya ang pag o obliga sa mga pulis na magsuot ng body camera sa mga anti drug operations at pagpapalakas sa internal cleansing.
