Mahigpit na ipinagbabawal ng Armed Forces of the Philippines (AFP) ang pagpasok ng campaign materials sa mga kampo ng militar.
Ayon ito kay AFP PIO Chief Lt. Col. Noel Detoyato matapos magsimula kahapon ang official campaign period para sa mga tatakbo sa national positions.
Pinagbawalan din ng AFP ang mga sundalo nitong mag-post, mag-like at mag share sa social networking sites ng anumang impormasyon pabor man o kontra sa sinumang kandidato.
Tiniyak ni Detoyato ang kaukulang parusa base na rin sa nakasaad sa articles of war sa mga lalabag sa nasabing direktiba.
By Judith Larino