Ipinagmalaki ng Philippine National Police o PNP ang walong porsyentong (8%) pagbaba sa naitalang kaso ng murder o patayan sa bansa.
Batay sa datos ng PNP, mula sa anim na libo siyamnaraan at apatnapu’t limang (6,945) kaso ng murder noong Enero hanggang Agosto ng nakaraang taon bumaba na ito sa anim na libo, tatlong daan at siyamnapu’t isa (6391) ngayong taon.
Bumaba ito sa mahigit limang daang (500) mga kaso ng pagpatay.
Ayon kay PNP Directorate for Investigation and Detective Management Head; Director Augusto Marquez Jr., ang pagbaba sa bilang ng naitalang kaso ng murder ay bunsod ng matinding kampanya ng pulisya kontra krimen, korapsyon at iligal na droga.
Ipinagmalaki din ng PNP na bumaba na agad ng 400 ang kaso ng murder sa unang buwan pa lamang ng panunungkulan ni Pangulong Rodrigo Duterte.
