Ipinato-tokhang ni Philippine National Police (PNP) Chief Ronald Dela Rosa ang halos 300 baranggay official na nasa narco-list ng Philippine Drug Enforcement Agency o PDEA.
Ito’y sa harap na rin ng nalalapit na barangay at SK elections sa Mayo 14.
Ayon kay Dela Rosa, dapat bago mag-eleksyon ay nakatok na at napakiusapan ang mga opisyal ng barangay na hinihinalang sangkot sa droga.
Kaparehong istilo aniya sa pagtotokhang sa mga ordinaryong sibilyan ang ipatutupad sa mga target na politiko.
Hinimok naman ni Dela Rosa ang publiko na huwang nang iboto pa sa eleksyon ang mga opisyal ng barangay na kilalang nasa kalakalan ng droga.
—-
