Kinumpirma ni Communications Secretary Martin Andanar na magkakaroon ng balasahan sa gabinete ng Pangulong Rodrigo Duterte.
Sinabi ni Andanar na posibleng ihayag ito ng pangulo sa kanyang State of the Nation Address (SONA) o kaya ay maisapubliko na anumang araw ngayong linggo.
Ayon kay Andanar, posibleng kasama sya sa mababalasa at malugod nyang tatanggapin, saan man sya ilipat ng pangulo.
Sinasabing posibleng malipat bilang presidential adviser on political affairs si Andanar kapalit ni Senador Francis Tolentino.
