Bumagal ang bagyong “Quedan” subalit napanatili nito ang kanyang lakas.
Ayon sa Philippine Atmospheric Geophysical and Astronomical Services Administration o PAGASA, ang sentro ng bagyong Quedan ay pinakahuling namataan sa layong pitong daan at siyamnapu’t limang (795) kilometro silangan ng Basco, Batanes.
Taglay ng bagyong Quedan ang pinakamalakas na hanging umaabot sa siyamnapung (90) kilometro kada oras malapit sa gitna at may pagbugso na umaabot sa isandaan at labing limang (115) kilometro kada oras.
Ang bagyong Quedan ay kumikilos papuntang hilaga – hilagang kanluran sa bilis na labing siyam (19) na kilometro.
Ipinabatid ng PAGASA na inaasahang nasa labas na ng Philippine Area of Responsibility o PAR ang bagyong Quedan sa susunod na 24 kuwatro oras, kung saan ito nasa walong daan at tatlumpu’t limang (835) kilometro hilagang silangan ng Basco.