Home AuthorsAll posts by DWIZ 882
Author

DWIZ 882

RONALD BATO DELA ROSA

Idineklara ng Senate Committee on Ethics and Privileges na sufficient in form ang reklamong inihain laban kay Senador Ronald “Bato” Dela Rosa kaugnay ng matagal nitong pagliban sa Senado.

Sa abiso ng komite, sinabi nitong pumasa sa mga rekisito sa ilalim ng Section 17 ng mga patakaran nito ang reklamo, kasama ang mga karagdagang dokumentong isinumite ng mga nagrereklamo.

Inihain ang reklamo noong Pebrero 25, 2026 ng grupong Wag Kang Kucorrupt Movement, na kinatawan nina Barry Gutierrez, Cielo Magno, at iba pa.

Una itong itinuring ng komite na incomplete noong Mayo. Gayunman, nagsumite ang mga complainant ng karagdagang sinumpaang salaysay noong Setyembre 14 na naging batayan upang matugunan ang mga rekisito.

Matatandaang nagsimulang magtago si Dela Rosa noong Nobyembre 2025, ilang araw matapos maglabas ang International Criminal Court ng selyadong arrest warrant laban sa kaniya kaugnay ng umano’y crimes against humanity sa ilalim ng nakaraang administrasyon.

Muli siyang nagpakita sa Senado noong Mayo, ngunit muling nagtago makalipas ang tatlong araw. | Sa panulat ni Reianne Antiquina

November 22, 2026 0 comment
0 Facebook Twitter Google + Pinterest
BATO DELA ROSA

Iginigiit ni Attorney Israelito Torreon, abogado ni Senador Ronald “Bato” dela Rosa, na hindi inabandona ng mambabatas ang kaniyang tanggapan sa kabila ng ethics complaint dahil sa patuloy nitong pagliban sa Senado.

Ayon kay Atty. Torreon, nananatiling bukas, may kumpletong staff, at patuloy na nagtratrabaho ang tanggapan ng senador, bagama’t hindi ito personal na napupuntahan ni Dela Rosa dahil sa posibilidad na arestuhin at isuko sa International Criminal Court (ICC).

Binigyang-diin ni Torreon na wala umanong hurisdiksyon ang komite sa reklamo dahil walang nilabag na alituntunin ang mambabatas. Aniya, ang pagtukoy na sapat sa porma ang isinumiteng reklamo ay para lamang maipadala ito sa senador.

Dahil dito, iginiit ng abogado na walang batayan ang reklamo laban sa senador kaugnay ng matagal nitong pagliban sa mga gawain ng Senado. | Sa panulat ni Reianne Antiquina

November 22, 2026 0 comment
0 Facebook Twitter Google + Pinterest
vp sara sinibak

Binatikos ni Vice President Sara Duterte ang sinasabing pagiging apolitical ng Philippine National Police (PNP), at iginiit na nagiging instrumento umano ito ng mga politiko.

Hindi rin pinalampas ng Bise Presidente ang naging pahayag ng PNP na “no rescue” o na walang naganap na rescue operation kaugnay ng dating household staff niya at apat pang indibidwal na nasa isang hotel sa Bonifacio Global City (BGC), Taguig City. Giit niya, agad naglabas ng pahayag ang PNP Chief kahit hindi pa umano naririnig ang panig ng lahat ng sangkot.

Ibinunyag din niya na mayroon silang hindi bababa sa limang dokumentadong pagbabanta na kinasasangkutan umano ng mga tauhan ng PNP laban sa mga miyembro ng Office of the Vice President (OVP) at maging sa kaniyang pamilya.

Sa huli, hinamon ni VP Sara ang hepe ng PNP na higit na pagtuunan ng pansin ang mga problemang kinahaharap ng ordinaryong mamamayan sa halip na patuloy na ipagtanggol ang sistemang aniya’y pumapalya.

November 22, 2026 0 comment
0 Facebook Twitter Google + Pinterest
SARA DUTERTE-CARPIO

Posibleng imbestigahan ng National Bureau of Investigation (NBI) ang mga alegasyon hinggil sa mga natanggap na pagbabanta sa mga dating tauhan ni Vice President Sara Duterte.

Ayon kay NBI Director Melvin Matibag, maaaring maglunsad ng motu proprio investigation ang ahensya upang matukoy kung may naganap na pagdakip, pamimilit at perjury.

Sa kabila nito, nilinaw ni Director Matibag na kailangang munang malaman ang pagkakakilanlan ng mga indibidwal na sangkot at ang mga dokumentong magpapatunay sa mga alegasyon.

Una rito, itinanggi ng isang negosyante na pinwersa niya ang mga dating tauhan ni VP Sara na pumirma sa isang affidavit.

Nilinaw ng private businessman na layunin lamang ng mga sinumpaang salaysay na maidokumento ang iniulat na banta sa kanilang seguridad, gayundin bilang suporta sa kanyang kahilingan na mabigyan ng proteksyon mula sa pamahalaan. | Sa panulat ni Reianne Antiquina

November 21, 2026 0 comment
0 Facebook Twitter Google + Pinterest
rodrigo duterte

Kinumpirma ng International Criminal Court (ICC) na si dating Pangulong Rodrigo Duterte ang sasagot sa gastusin ng kanyang legal defense sa kinakaharap na kasong crimes against humanity.

Ayon sa ICC Public Affairs Unit, hindi itinuturing na indigent o walang sapat na kakayahang pinansyal si Duterte kaya hindi siya kwalipikadong makatanggap ng libreng legal assistance mula sa korte.

Sa ilalim ng patakaran ng international tribunal, ang mga indibidwal na walang sapat na kakayahang tustusan ang kanilang abogado lamang ang maaaring mabigyan ng legal aid.

Samantala, hindi pa inilalabas ng ICC Registry kung nag-apply si Duterte para sa naturang tulong at kung magkano ang aktuwal na ibinabayad sa kanyang mga abogado.

Kaugnay nito, inaprubahan din ng korte ang pag-freeze sa perang nakuha mula kay Duterte nang siya ay arestuhin noong Marso 2025 upang mapanatili ang halaga nito at magamit sa posibleng danyos sa mga biktima sakaling mapatunayang nagkasala ito. | Sa panulat ni Reianne Antiquina

November 21, 2026 0 comment
0 Facebook Twitter Google + Pinterest
kiray celis

Isang masayang balita ang hatid ng comedian at businesswoman na si Kiray Celis matapos isilang ang kanilang panganay na anak ng asawang si Stephan Estopia.

Sa kaniyang Instagram post noong November 19, ibinahagi ni Kiray ang ilang tagpo ng kanyang panganganak sa Makati Medical Center, kasama ang mensaheng itinuturing niya ang kanilang anak bilang pinakamagandang pagpapala sa kanilang buhay.

Ayon pa sa aktres, mas lalong magiging espesyal ang kanilang Pasko at Bagong Taon dahil makakasama na nila ang pinakamagandang regalo na tanggap nila mula sa Panginoon.

Matatandaang inanunsiyo ni Kiray ang kanyang pagbubuntis noong Abril, at makalipas ang isang buwan ay ibinahagi nila ni Stephan na ito’y isang lalaki. | Sa panulat ni Reabelle Medina

November 20, 2026 0 comment
0 Facebook Twitter Google + Pinterest
VP SARA DUTERTE

Nababahala ang kampo ni Vice President Sara Duterte matapos makatanggap umano ang bise presidente ng mensahe mula sa account ng dati nilang household staff bandang alas-11:19 kagabi. 

Ayon sa pahayag, humihingi umano ng tulong at pagsagip sa Maynila ang nagpadala ng mensahe.

Sinabi rin umano nitong nasa kustodiya o kontrol siya ng ilang indibidwal na nagbanta sa kaniyang buhay.

Ikinuwento rin ng dating kawani na pinipilit umano siyang pumirma sa isang dokumento ngunit tumanggi itong gawin.

Inihalintulad ng kampo ni Duterte ang insidente sa sinapit ni Jefry Tupas noong September 29, 2026, nang sabihan ito ng mga tauhan ng National Bureau of Investigation o NBI na may banta sa kaniyang buhay at tangkaing dalhin sa Maynila.

Sa ngayon, hindi pa matukoy ang kinaroroonan ng dating household staff at hindi pa rin nabe-verify ang kaniyang kalagayan at kaligtasan.

Hinala naman ng kampo ng bise presidente, bahagi ito ng patuloy na panggigipit ng administrasyong Marcos laban kay Duterte.

Iginiit din nilang ginagamit ang mga ahensya ng gobyerno, kabilang ang NBI, upang takutin at pilitin ang ilang indibidwal na maging mga testigong magbibigay ng salaysay laban sa bise presidente.

Panawagan ng kampo ni Duterte na agad tiyakin ang kaligtasan at kalayaan ng dating kawani. | via Jenn Patrolla/DWIZ Patrol

November 17, 2026 0 comment
0 Facebook Twitter Google + Pinterest
PACMAN AND FIFA

Nakausap at nakasalamuha ni International Association Football Federation (FIFA) President Gianni Infantino si boxing legend at National Anti-Poverty Commission Lead Convenor Manny Pacquiao sa paglagda ng kasunduan sa pagitan ng FIFA at Philippine Sports Commission (PSC).

Ayon kay Infantino, isang malaking karangalan para sa kanya na makausap si Pacquiao tungkol sa kung papaano nahahatak ng boxing at football ang atensyon ng publiko.

Nabatid na nagkasundo ang FIFA at PSC na i-redevelop ang Rizal Memorial Sports Complex sa Maynila upang makapagdaos ito ng mga football events.

Nilagdaan nina Infantino, PSC President Patrick Gregorio, at Philippine Football Federation President John Anthony Gutierrez ang kasunduan, kung saan sinaksihan din ito ni Executive Secretary Ralph Recto.

Inanunsyo rin ni Infantino na makatatanggap ang Pilipinas ng pondo mula sa FIFA na nagkakahalaga ng $25 million upang mai-retrofit ang football pitch ng Rizal Sports Complex, at magtayo ng tatlo pang regional football training centers sa buong bansa.

Ito anya’y pasasalamat ng FIFA sa bansa sa pagpapaunlak nito sa 2025 FIFA Women’s Futsal World Cup. | Sa panulat ni Anjo Riñon

November 16, 2026 0 comment
0 Facebook Twitter Google + Pinterest
HOUSE PROSECUTION PANEL

Kinumpirma ng House Prosecution Team na pormal nang hiniling ng kampo ni Vice President Sara Duterte sa Senate Impeachment Court ang pagpapalabas ng subpoena para sa apat na indibidwal na nais nitong tumestigo sa impeachment trial.

Ayon kina House Prosecutors Joel Chua at Terry Ridon, nagsumite ang depensa ng Manifestation with Request for Subpoena Ad Testificandum and Duces Tecum, bilang pagsunod sa direktiba ng korte na i-disclose ang mga testigo limang araw bago ang kanilang pagharap sa paglilitis.

Batay sa dokumento, tatlo sa apat na testigo ang may kaugnayan sa Cale 88 Foods Corporation at inaasahang magbibigay ng salaysay, habang ang isa ay inaasahang magbibigay-linaw sa mga legal na konsepto sa ilalim ng Anti-Money Laundering Act.

Magpapatuloy ang paglilitis sa Nobyembre 19 at 20 matapos ang suspensiyon ng trial mula Nobyembre 16 hanggang 18 dahil sa ASEAN Summit. | Sa panulat ni Geli Mendez

November 16, 2026 0 comment
0 Facebook Twitter Google + Pinterest
HOUSE OF REPRESENTATIVES 2

Lusot na sa ikalawang pagbasa sa Kamara ang House Bill 11579 o ang panukalang “Kapakanan ng Magsisipagtapos Act” na layong payagang makadalo sa graduation ceremonies ang mga estudyanteng nakakumpleto ng academic requirements kahit may hindi pa nababayarang school fees o iba pang obligasyon.

Target nitong matiyak na ang “financially disadvantaged students” o mahihirap na mag-aaral na nakumpleto na ng kanilang academic requirements ay makakalahok at makadadalo sa graduation ceremonies.

Sa ilalim ng panukala, inaatasan ang CHED at TESDA na magpataw ng administrative sanctions sa mga paaralang lalabag sa batas.

Ayon kay Tingog Party-list Rep. Jude Acidre, ang chairperson ng House Committee on Higher and Technical Education, hindi dapat maging parusa sa mga estudyante ang kanilang kakulangan sa pinansyal, lalo’t ang pagmartsa sa graduation ay sumasalamin sa kanilang mga pangarap at pinaghirapan.

Nilinaw ni Acidre na mananatili ang karapatan ng mga paaralan na hawakan ang diploma, transcript of records at iba pang dokumento hanggang hindi nababayaran ang mga obligasyon ng mga estudyante. | Sa panulat ni Geli Mendez

November 16, 2026 0 comment
0 Facebook Twitter Google + Pinterest
Newer Posts