Kinumpirma ni Makati City 2nd District Rep. Abigail Binay na ang kanyang asawang si Luis Campos ang sasabak sa mayoralty race sa lungsod sa 2016 elections.
Taliwas ito sa naunang pahayag ni Binay na siya ang tatakbo sa pagka-alkalde kung tuluyang ididiskiwalipika ang kanyang kapatid na si Junjun Binay na sinibak naman ng Office of the ombudsman bilang mayor.
Ayon sa Kongresista, noon pang 2012 nagdesisyon ang kanyang mister na sumabak na rin sa pulitika.
Si Campos ay isang negosyante at kabilang sa prominenteng pamilya Nakpil na dating nagmamay-ari ng obrang “parisian life” ng pintor na si Juan Luna.
By: Drew Nacino