Army detachment sa Zamboanga Del Norte inatake ng mga rebelde

Naglunsad ng airstrike ang militar laban sa 30 rebelde na umatake sa isang army detachment sa Zamboanga Del Norte.

Ayon kay Sirawai Mayor Gamar Janihim, hinarass umano ng mga rebelde na nakasuot pa ng uniporme ng mga sundalo ang detachment ng Bravo Company sa ilalim ng 42nd Infantry Battalion sa Barangay Doña Cecilia.

Ginawa ang airstrike dakong ala 1:00 ng hapon kahapon makaraang mamataan ang mga rebelde ngunit agad itong nakapagtago sa isang gusali sa Barangay Panabutan.

Dalawa ang sugatan sa panig ng mga rebelde ngunit inaalam pa ng militar kung ang nasabing pag-atake ay bahagi ng pakikisimpatiya sa mga nasa Marawi o isang uri ng diversionary attack.

By Jaymark Dagala

Comments

comments