Isinapubliko na ng Malakanyang ang appointment paper ni Secretary Benjamin Diokno bilang bagong governor ng Bangko Sentral.
Batay sa kopyang ipinalabas ng Palasyo, nilagdaan ni Pangulong Rodrigo Duterte ang papel noong Martes, Marso 5.
Mananatili si Diokno bilang governor ng BSP hanggang Hulyo 2 ng taong 2023 para naman maipagpatuloy ang termino ng namayapang si Governor Nestor Espenilla Jr.
Magugunitang nitong nakalipas na araw nanumpa si Diokno sa harap ni Pangulong Duterte.
