Engaged na ang isa sa mga “It’s Showtime” host na si Anne Curtis sa kanyang long-time boyfriend na si Erwan Heussaff.
Ito ang kinumpirma ng Kapamilya Star makaraang sorpresang haranahin ng kanyang mga co-host ng mga awit tulad ng “Just Tell Me You Love Me” at Every Little Thing She Does Is Magic” kahapon.
Nagpasalamat naman si Anne sa kanyang “It’s Showtime” family sa sorpresang performance at tiniyak na mananatiling ispesyal ang mga ito para sa kanya.
Una ng kumalat sa social media ang video ng engagement ni Erwan at Anne na naganap noong Oktubre sa Amerika.
Hindi muna nagbigay ng detalye ang aktres maging ang kanyang “soon-to-be husband” kung kailan at saan gaganapin ang kanilang kasal.
Unang inilabas ni Erwan ang isang video na agad naging usap-usapan sa social media.
By Drew Nacino
