Muling binalasa ni Philippine National Police Chief Director General Oscar Albayalde ang ilang matataas na opisyal ng PNP sa Metro Manila.
Batay sa ipinalabas na kautusan ni Albayalde, itinalaga bilang acting director ng Eastern Police District si Chief Supt. Alfred Corpus kapalit ni Chief Supt. Reynaldo Biay.
Inilipat naman si Biay sa dating posisyon ni Corpus bilang Deputy Director ng Directorate for Intelligence.
Samantala papalit naman bilang District Director ng Northern Police District o NPD si dating NCRPO Deputy Chief for Operations Chief Supt. Gregorio Lim.
Habang ang dating hepe ng NPD na si Chief Supt. Amando Empiso ay itinalaga kapalit ni Lim bilang NCRPO Deputy Chief for Operations.