Nagbago ang isip ni comedy concert queen Ai-Ai delas Alas hinggil sa pagpapakasal niya sa kasintahang si Gerald Sibayan ngayong darating na Disyembre sana.
Inamin ni Ai-Ai na naghihintay pa siya ng todong sign mula kay Lord at kailangan pa niya ng dagdag na oras dahil mahirap maipaliwanag ang mga pinagdaanan niya at gusto niyang matiyak na pang habambuhay na ang tuluyang pagpapakasal kay Gerald.
Ayon pa kay Ai-Ai, may takot din siyang dumating ang oras na masira ang kaniyang marriage na ipinauubaya niya sa Poong Maykapal.
Bukod dito, sinabi ng Sunday Pinasaya Star na nag-iipon pa si Gerald lalo’t ibinilin ng tatay nito na huwag magpapakasal ng walang pera.
Tinanggap naman ni Gerald ang desisyon ni Ai-Ai subalit biniro siya ng nobyo na umaaktong parang 21 years old lang ang bida sa Hay Bahay sitcom ng Kapuso channel.
By Judith Larino
Photo: Screengrab from: msaiaidelasalas / Instagram
