Tila magsisimula na rin sa kanyang international career ang singer na si Aicelle Santos.
Ito ay matapos na mapili si Aicelle para makasama sa UK tour production ng Broadway Musical na Miss Saigon.
Gagampanan ni Aicelle sa nasabing musical ang karakter ni Gigi na ginampanan din ni Rachelle Ann Go noong 2014 at ni Isay Alvarez sa original West End cast noong 1989.
Ayon sa handler ni Aicelle na Stages Talents, nakatakdang lumipad patungong manchester uk si aicelle para sumalang sa training at transition sa ikatlong linggo ng Marso.
Sampung buwan naman tatagal ang nasabing tour na kabibilangan ni Aicelle.
Samantala, nagpahayag naman ng kanyang excitement at sobrang kasiyahan ang singer matapos na siya mapili.
Si Aicelle ay kasalukuyang kabilang sa pagtatanghal ng “Himala: The Musical” na halaw sa pelikula ni Nora Aunor.
Nakilala rin sa Aicelle sa kanyang mahusay na pagganap sa musical na “Rak of Aegis”.
