Pito sa bawat 10 Pinoy o 70 porsyento ang kinukunsiderang pangunahing banta sa Pilipinas ang Islamic State of Iraq and Syria o ISIS.
Batay ito sa survey na isinagawa ng Pew Research Center sa mga bansang Japan, India, Indonesia, South Korea, Australia, Vietnam at Pilipinas.
Sa naturang survey lumalabas na malaking alalahanin din sa mga Pilipino ang usapin ng global climate change na nakapagtala ng 65 porsyento at cyber-attacks na mayroon namang 64 porsyento.
Samantala, 47 porsyento lamang ng mga Pinoy ang ikinukunsiderang banta sa bansa ang impluwensya at kapangyarihan ng China.
Hindi naman itinuturing na banta ng mga Pilipino sa Pilipinas ang impluwensya ng Russia at Estados Unidos na nakakuha ng 26 at 25 na porsyento.
By Ralph Obina