Patay ang anim katao dahil sa nararanasang heat wave sa Eastern Canada.
Ayon sa Montreal Public heaLth Department, karamihan sa mga biktima ay mag-isang naninirahan sa kanilang mga bahay at wala ring air condition.
Dahil dito, umakyat na sa labindalawa (12) ang bilang ng nasawi dahil sa heat wave.
Nagbabala naman ang health officials sa Canada dahil sa inaasahang magpapatuloy pa ang nararanasang napakainit na panahon sa iba’t ibang bahagi ng bansa na kasalukuyang nasa 34 degrees Celsius.
—-
